Әнисе үлеп ятим калган нәни кызны мәктәп яныннан урлап киткәннәр
Баланы елатып, машинага төяп алып китеп барганнар.
Кичә иртән Башкортстанда балигъ булмаган мәктәп укучысы югалган. Соцчелтәрләрдә кызны мәктәп янынан алып китүләре турында хәбәр иткәннәр. Туганнары тиз арада полициягә мөрәҗәгать иткән.
"Башинформ" агентлыгы хокук саклау органнарыннан комментарий алган. Полициядә баланың табылуы, тиздән туганнарына кайтарылачагын әйткәннәр.
Кызның абыйсы сүзләре буенча, бер ай чамасы элек әнисе үлгәч, баланың апасы опекунлыкны рәсмиләштергән. Бу гаилә белән бергә яшәмәгән әти кеше дә балага хокукларын белдергән.
"Сеңлем көндезге 12 дән соң югалды. Аны елатып машинага утыртып алып киткәннәр. Берничә сәгать эзләгәннән соң, баланы Пермь ягында яшәүче әтисе алып китүе ачыкланган. Хәзер тикшерүчеләр шунда киткән", - дип сөйләгән абыйсы.